ملحوظات سريعه على التيدا الهاتشباك من وجهة نظري.
يا جماعة.. امبارح قابلت MTAK وفرجني العربية...
بصراحة العربية ماشاء الله تحفة مع الفرش والتابلوه الأسود (العربية لونها فيراني).
شنطة الهاتش باك محترمة (مش صغيرة قوي يعني) يس شنطة الi30 اكبر ولكن العربية ياباني 100%.
الميزة بقى الكبيرة انك تقدر تحرك الكنبة لقدام درجات لحد ما تلزق في الكراسي الأمامية. في الحالة دي الشنطة هتبقى قد شنطة السيدان (يمكن أوسع كمان) وأوسع من شنطة الصني والi30 طبعا.
طب حد ممكن يسألني لو في حد راكب في الكنبة هتعمل ايه؟؟
أجاوب وأقول...
مساحة الأقدام المخصصة للكنبة رهيبة. يعني ممكن ببساطة اقدم الكنبة درجة أو درجتين واللي قاعد ورا برضه هيبقى قاعد براحته.وهتفضل المساحة أوسع من الصني اللي بصراحة أنا حاببها جدا بس المساحة اللي ورا ضيقة قوي لدرجة تغيظ!!!
طبعا الجلوس في الكراسي الأمامية مريح جدا والتنجيد على أعلى مستوى من الفخامة. (مفيش زيها غير الميجان التحفة)
شكل العدادات العصري مع الفرش الأسود ممتاز (رغم انه قبل كده كان مضايقني!!!)
الكاسيت عادي مش cd بس بصراحة صوته ممتاز
طبعا العربية يعيبها فقط سعرها الغالي شوية بالنسبة للكوري بس طبعا معقول للياباني 100 %
الأوبشنز اللي فيعا مش زي الميجان التحفة برغم تقارب الأسعار بس الياباني ياباني!!
المهم في النهاية.... ألف شكر ل MTAK . شخصية محترمة جدا الصراحة. خلاني أقلب في العربية براحتي (أنا والمدام وحبيبة بتتي 7 شهور!!!) واصورها كمان فيديو!:coool: وجاوب على كل أسئلت بصدر رحب جداا
وان شاء الله هستخير الله علشان أخد قرار الشراء بإذن الله.
ملحوظة: أنما بقالي 4 شهور بدور على عربية. في الأول كنت بفكر في الأوبترا وبعدين الصني والألنترا وبعدين الميجان والتيدا....ادعولي بقى اخد قرار وأشتري قبل ماأطلع على الي ام والمرسيدس!!!!!
مهندس / تامر (أبو حبيبة)
